E konfirmuar, Gentian Mezani largohet nga Luftëtari



Superiorja nis me lëvizje në pankinën e Luftëtarit. Në fakt të gjithë prisnin largimin e Gentian Mezanit pas humbjes së djeshme me Kastriotin. Pesë gola të pësuar në shtëpi nga krutanët  e vendit të fundit rëndojnë shumë, por vlonjati pas ndeshjes rezistoi.

Gjithsesi kjo nuk ka zgjatur shumë. “E kam mbyllur me Luftëtarin”, thotë shkurtimisht për Sportekspres.com Gentian Mezani, i cili mori drejtimin e Luftëtarit në javën e pestë të kampionatit dhe e nisi duke mundur Teutën pas katër disfatave që bluzinjtë morën me Millosh Kostiç në krye të ekipit.

Mezani një ditë më parë e tha hapur se Luftëtari ishte i rënë me grupin që kishte në dispozicion. Largimet e shumta e dobësuan skuadrën dhe vlonjati priste përforcime me vlera. Kundër Kastriotit pati vetëm pesë lojtarë në stol, një tregues i qartë i punës së drejtuesve në merkato.

SHPËRNDAJE

Warning: A non-numeric value encountered in /home3/wacptq0abqnu/public_html/wp-content/themes/Newspaper/includes/wp_booster/td_block.php on line 353

JEPNI MENDIMIN TUAJ