Në një konferencë për shtyp Presidenti Ilir Meta ka komentuar miratimin e Rezolutës për Shqipërinë në Komisionin e Politikës së Jashtme të Parlamentit Europian. Meta deklaroi se kjo rezolutë rrëzoi alibitë se fajin e ka Europa.
Kreu i shtetit theksoi se është emergjente hetimi nga organet e drejtësisë hetimi me zero tolerancë për krimet zgjedhore.
“Kjo rezolutë thekon edhe njëherë problemet më të mëdha që ka Shqipëria. Nuk do të bëjë lëshim të kushteve. Rruga evropiane kalon vetëm përmes plotësimit të të gjitha kushteve. Zgjedhjet e 25 prillit do të jenë prioritare. PE rikujtoi edhe njëherë se dosjet për krimet zgjedhore nuk do të harrohen. Liria e medias që vazhdon të jetë në një trysni përbën një tjetër vijë të kuqe për Shqipërinë. Përdorimi i Shqipërisë si lavatriçe e pastrimit të parave është alarmante.
Kjo rrëzon çdo alibi se fajin e ka Europa. Jam i bindur se populli shqiptar vazhdon të gëzojë mbështetjen e Europës. Duke vlerësuar rëndësinë e zgjedhjeve që po vijë edhe si kryekusht për të ecurit me një ritëm tjetër dje pata takim me Shqipërinë civile ku u evidentua edhe rëndësia e zgjatjes së aplikimit të dokumenteve.
Nevojën e funksionimit të shpejtë me zero tolerancë të organeve të drejtësisë për të hetuar të gjitha krimet zgjedhore. Njëkohësisht u theksua rëndësia e miratimit sa më shpejt të fletës së votimit dhe rëndësia e një fushate. Zgjedhësit ende nuk janë edukuar për mënyrën e re të votimit”, tha Meta.
