Një ditë para zgjedhjeve, Yuri Kim i shkon në zyrë Lulzim Bashës

0
231

Një ditë para zgjedhjeve parlamentare, ambasadorja e SHBA, Yuri Kim i shkon në zyrë kreut të opozitës, Lulzim Basha.

Ndërsa sot ka hyrë në fuqi heshtja zgjedhore, ambasadorja amerikane më Tiranë po zhvillon një takim me Lulzim Bashën në selinë e Partisë Demokratike.

Një ditë më parë, Kim pati një takim edhe me presidentin Ilir Meta.

Kreu i Shtetit shprehu besimin se pavarësisht problemeve të deritanishme, e diela do të jetë një ditë feste për të gjithë shqiptarët, pasi në këto zgjedhje ata do të kenë mundësinë e përzgjedhjes jo vetëm të alternativës më bindëse për secilin por edhe të kandidatit që ata besojnë më shumë.

Megjithatë, në mbrëmjen e djeshme, ndërsa ishte i ftuar në Syri tv, Meta replikoi me tone të forta në distancë me ambasadoren amerikane.

Ndërsa Meta u bëri thirrje shqiptarëve të bënin gati sfurqet më 25 prill nëse u cenohet vota, ambasadorja e SHBA i tërhoqi vëmendjen që të mos nxisë dhunë.

LEAVE A REPLY

Please enter your comment!
Please enter your name here