Autoritetet franceze thonë se më shumë se 105,000 njerëz kanë marrë pjesë në protesta në të gjithë vendin kundër pasaportës së vaksinimit. Një projektligj i ri do të ndalonte në fakt personat e pavaksinuar nga jeta publike.
Protestuesit në kryeqytetin, Paris, mbanin pankarta me fraza si “jo lejes së vaksinës”.
Zyrtarët e Ministrisë së Brendshme thanë se 34 persona u arrestuan dhe rreth 10 oficerë policie u plagosën pasi protestat u bënë të dhunshme në disa vende.
Projektligji, i cili kaloi leximin e tij të parë në dhomën e ulët të parlamentit të Francës të enjten, do të hiqte opsionin e tregimit të një testi negativ Covid-19 për të hyrë në ambiente publike.
Në vend të kësaj, njerëzit do të duhet të vaksinohen plotësisht për të vizituar një sërë hapësirash, duke përfshirë bare dhe restorante.
Qeveria thotë se pret që rregullat e reja të hyjnë në fuqi më 15 janar, megjithëse Senati i mbizotëruar nga opozita mund të vonojë procesin.
Por demonstruesit të shtunën akuzuan qeverinë për shkeljen e lirive të tyre dhe trajtimin e pabarabartë të qytetarëve.
Të tjerët e shënjestruan presidentin, Emmanuel Macron, mbi komentet që ai bëri në fillim të kësaj jave në lidhje me qytetarët e pavaksinuar, duke i thënë gazetës Le Parisian se ai donte t’i “inatoste ata”.
Pjesëmarrja në protesta u vlerësua të ishte rreth katër herë më e lartë se demonstratat e fundit të mëdha më 18 dhjetor, kur rreth 25,500 njerëz marshuan në të gjithë vendin.
Por pavarësisht protestave të zëshme, kundërshtimi ndaj masave të reja nuk është aq I përkrahur pasi dhe sondazhet e fundit tregojnë se shumica dërrmuese e njerëzve mbështesin miratimin e vaksinës.
Franca është një nga vendet më të vaksinuara në Evropë, me më shumë se 90% të moshave mbi 12 vjeç të vaksinuar me të dyja dozat.
