Kandidati për deputet i PD Roland Bejko, e ka quajtur humbje të madhe të artit figurativ, ndarjen nga jeta të skulptorit gjirokastrit Stefan Papamihali.
Në një status në profilin e tij në FCB, zoti Bejko, ka vlerësuar kontributin e Papamihalit në fushën e artit dhe kulturës gjirokastrite e kombëtare.
Me largimin nga kjo jetë të Stefanit, familja dhe të afërmit humbën njeriun e dashur, miqësia-njeriun gojëmbël, arti-skluptorin e talentuar-shprehet Bejko.
Statusi i plotë në FCB i Roland Bejkos për vdekjen e skulptorit Stefan Papamihali.
Me hidhërim të thellë mësova se është ndarë papritur nga jeta skluptori i merituar, miku dhe profesori im i pikturës Stefan Papamihali.
Gjirokastra ka tani edhe një tjetër personalitet më pak. U bë e shpeshtë kohët e fundit ikja nga kjo jetë e figurave të spikatura intelektuale; artistë, sportistë, profesorë universitetesh, inxhinierë me kontribute profesionale të çmuara.
Me ikjen e tyre ata lënë mbrapa një boshllëk, një hapësirë që vështirë se do të mbushet për shumë kohë.
Me largimin nga kjo jetë të Stefanit, familja dhe të afërmit humbën njeriun e dashur, miqësia-njeriun gojëmbël, arti-skluptorin e talentuar.
I paharuar qoftë kujtimi për profesorin e talentuar dhe fjalëpak Stefan Papamihali.
