Covid-19, Greqia rivendos masat shtrënguese pas festave

Nga nesër deri në 11 Janar Greqia do të shtrëngojë
masat kundër covid-19.
Në mënyrë të veçantë, siç njoftoi zëdhënësi i qeverisë do të bëhet ndalimi në dyqane, funksionimi i librarive, parukerive, shërbimeve të kujdesit dhe aktivitetet e gjuetisë apo peshkimit
Ndalimi i udhëtimit rikthehet gjithashtu në orare më të rrepta, nga 21:00 në mbrëmje deri në 5:00 në mëngjes , me përjashtimin e vetëm të punonjësve të policisë dhe atyre që kanë nevojë për ndihmë mjekësore.
Kishat do të qëndrojnë të mbyllura për besimtarët. Siç përmendi zëdhënësi Petsas, masat merren me synimin e hapjes së shkollave më 11 janar.
Mediat greke shkruajnë se:
“- Shtrëngimi i masave për 3-10 Janar 2021 është një vendim i Kryeministrit dhe Qeverisë për arsye paraprake. Qëllimi nuk është të rëndojmë tablonë epidemiologjike nga relaksimi i pushimeve, në mënyrë që më 11 janar të hapen shkollat të të gjitha niveleve.
– Më 11 janar, së bashku me shkollat, rikthehet funksionimi i biznesve të mbyllura. Lidhur me
kishat , shërbesa e Epifanive do të kryhet brenda nga priftërinjtë, por pa besimtarë. Kishat pas 11 janarit 2021, do të mirëpresin përsëri besimtarët për shërbesat e së Dielës me rregullat që ishin të vlefshme në Krishtlindje dhe Vitin e Ri.
“Në fund të javës së 2-të të janarit, situata epidemiologjike në vend do të vlerësohet dhe bazuar në këtë vlerësim, do të ketë njoftime më të reja për sektorët e tjerë të veprimtarisë sociale dhe ekonomike”.

SHPËRNDAJE

Shkruaj nje koment