Demokracia Lokale dhe Pjesëmarrja Qytetare vijoi me trajnimet e radhës në Gjirokastër ku pjesëmarrës kanë qenë këshilltarë të bashkive Gjirokastër, Sarandë, Përmet, Delvinë. Libohovë etj. Tema të diskutimeve, kanë qenë çështje të ndryshme mbi qeverisjen lokale, rolin e këshilltarit bashkiak dhe sfidat e krijuara me proçesin e implementimit të reformës territoriale. Mes shumë temave për diskutim, ka rënë në sy ajo e “Fondeve e BE për Bashkitë” referuar nga pedagogu në Universitetin e Tiranës zoti Roland Bejko, “Mirë-administrimi i një bashkie si politikë lokale të shprehur në shifra” nga Ardian Turku drejtor i Departamentit të Pushtetit Vendor pranë PD, si dhe “Buxhetimi me pjesëmarrje si një strategji për t’i bërë financat lokale më demokratike” nga Gjergji Gjinko ekspert i çështjeve vendore. Ndër problematikat kryesore që përballen sot bashkitë e reja pas reformës territoriale është dhe balancimi i buxheteve vjetore. Trajnimi u organizua nën patronazhin e Fondacionit pёr Liri dhe Demokraci në bashkëpunim me Hanns-Seidel-Stiftung.