Doli në qarkullim botimi : Artan FUGA : Origjinat e Pushtetit, Pronës, Pasurisë, në Shqipërinë pas-totalitare

0
193

Njoftim për mediat nga Shtëpia Botuese PAPIRUS:

——————————————–

“Si qytetarë kemi nevojë për një konceptim sa më konvergjent për shoqërinë ku jetojmë! Përndryshe, kurrë nuk do të merremi dot vesh me njëri-tjetrin!” – Artan FUGA

Shtëpia botuese PAPIRUS hedh në treg para lexuesve botimin më të ri të saj : “Origjinat e Pushtetit, Pronës, Pasurisë (në Shqipërinë pas-totalitare)” me autor Akademik Artan Fuga.

Autori vjen me një punë studimore prej më shumë se dy dekadash lidhur me këtë temë. Ai na rrëfen në një këndvështrim shkencor atë që ka ndodhur në Shqipëri që pas rënies së shoqërisë totalitare në vitin 1990 e deri më sot.

Botimi përbëhet nga dy vëllime të veçuar, të vendosur në një pako të përbashkët, i pari është “Shoqëria Periferike”, i dyti është “Shoqëria Piramidale” që sipas autorit përfaqësojnë dy epokat e historisë së këtyre tri dekadave ku e para ka përgatitur të dytën.

Botimi u drejtohet një lexuesi të gjerë, studentëve në shkencat sociale dhe humane, të rinjve që duan të njohin rrugët e thepisura, shpesh herë honet nga po kalon shoqëria shqiptare deri sa kemi mbërritur këtu, gazetarëve për të njohur rrënjët në të sotmen e të shkuarën të aktualitetit, elektoratit të gjerë për një kuptim sa më të qartë të politikave të ndjekura, brezave që ishin veprues në këtë kohë prej tri dekadash dhe që duan të shohin gjurmët që kanë lënë në histori, të gjithë atyre që dëshirojnë të kenë një pamje tërësore të politikës, ekonomisë, drejtësisë, shtetit, institucioneve shqiptare nga fundi i shekullit të kaluar deri në ditët tona !

Botimi me të dy vëllimet gjendet në librari, me një çmim promocional prej 1.500 lekësh për të gjitha kopjet e printuara në tirazhin e parë.

Botimi do t’i duhet me siguri sot ose nesër bibliotekës tuaj !

Botimi gjendet në libraritë e furnizuara

Librari Adrion,  Sheshi Skënderbej, Pallati i Kulturës

Shtëpia e Librit, Rruga Nikolla Jorga, Kulla 7, Kati 1

Libri Universitar, Rruga Abdyl Frashëri,

Librari Albania, Rruga Sami Frashëri, nr. 21

Friend’s book House, Rruga Sami Frashëri

Librari Dita, Rruga Frederik Shiroka

Art’s Librari, Bulevardi Zogu I

Librari Tirana e Re, Rruga Abdyl Frashëri

Tirana Times, Rruga Andon Zako Cajupi, Tirane

Librari Ora, Shkoder

Librari Une mesoj, Pogradec

Botimi mund të porositet on line në platformat ose në telefon.   

Libraria Adrion : https://adrionltd.com ; tel: 04 225 72 31

Shtëpia e librit: https://shtepiaelibrit.com;  tel: 0692582 308

Bukinisti: https://bukinist.al; tel 0675050810

Librari Plisi: https://www.facebook.com/plisi.librari.7  tel : 0696163329

Por, sigurisht ju mund t’i drejtoheni edhe librarit tuaj më të afërt, i cili furnizohet lehtësisht në rrjetin e shpërndarjes.

Ndryshimet shoqërore të analizuara këtu e kanë transformuar vendin në dekadat

e fundit. Ato përbëjnë realitetin  sociopolitik dhe  ekonomik  në  të  cilin  jeton shqiptari sot.

Mirëpo, brezat e ardhshëm do të jenë larg të përjetuarit  të këtyre rrethanav e tësotme  si aktorë dhe spektatorë të kohës sonë. Shpresohet natyrshëm  që ata të duan të dinë se nga 

çfarë horizonti është  nisur shoqëria ku do të jetojnë në atë mot.

Nëse do të jenë duke jetuar në një shoqëri më të zhvilluar, do të duan të dinë: çfarë kanë përballuar, çfarë gabimesh  kanë bërë, çfarë kanë ndërmarrë  prindërit ose gjyshërit e tyre, që i hapën udhë një Shqipërie tjetër.

Përkundrazi, nëse  do të jetojnë  në një shoqëri  në krizë dhe  në rrënim, sikurse nuk e urojmë, atëherë do të shohin këtu dëshminë e gabimeve që paraardhësit e tyre kanë bërë dhe do të duan, jo vetëm t’i korrigjojnë, por, mbi të gjitha, të mos i përsërisin ato

Ky është detyrimi që kam ndjerë për ta! Vetëm ata do ta dinë nëse e kam plotësuar ose jo!

Artan Fuga

LEAVE A REPLY

Please enter your comment!
Please enter your name here