LSI po shpartallohet në Tepelenë e Memaliaj, nuk ka komisionerë në Qendrat e Votimit.
Informacionet nga LSI në Tepelenë, konfirmojnë për Jugunews.net se LSI ndodhet përballë faktit të kryer të braktisjes nga militantët e vet.
Këta të fundit, nuk i janë përgjigjur thirrjes për të qenë pjesë e komisioneve në qendrat e votimit, duke e futur në një krizë të thellë këtë parti një ditë para procesit zgjedhor.
Mësohet se deri në orën 22:30 LSI, nuk ka qenë në gjendje të plotësojë numrin e komisionerëve në qendrat e votimit në Martalloz, Krahës, Maricaj e Lopës.
Militantët e LSI, tashmë janë tërhequr nga thirrja që i ka bërë Tavo dhe Brahaj, për të qenë pjesë e administrimit të procesit zgjedhor në Memaliaj e Tepelenë duke dhënë sinjalet e forta për një rezultat katastrofal në dëm të partisë së Ilir Metës.
Punonjës të institucioneve që janë në varësi të LSI, nuk pranojnë të mbrojnë interesat e kësaj force politike në Tepelenë e Memaliaj, cka nënkuptohet që votat e tyre do të shkojnë tek dy partitë e mëdha PS e PD.
Situatë e ngjashme figuron edhe në Këlcyrë e Përmet ku në Ballaban, Sukë, Frashër e Grabovë, LSI, ghjendet e zbuluar duke mos gjetur asnjë komisioner.