Me muzikë funebër në sfond,me sytë e trishtuar dhe zemrat helm për fatkeqësin e shkaktuar nga tërmeti apokaliptik i ditëve të fundit ,me anë të një ceremonie zyrtare është kujtuar dita e flamurit në Gjirokastër.I ulur në gjysmë shtizë në sheshin e Çerçizit ,flamuri kuq e zi u ngrit nga njëri prej efektivëve të repartit zjarrfikës në Gjirokastër ,Maksi Çani i cili dha kontributin e vet në shpëtimin e jetëve në zonat e tërmetit .
I pranishëm në ceremoni ishte dhe kryetari i bashkisë flamur Golemi i cili në prononcimin e tij për mediat e nisi me një falenderim për efektivin Maksi Çani por dhe të tjerë që kontribuan në këtë tragjedi.Nga ana tjetër ai zgjodhi të citojë kreun e qeverisë Edi Rama duke thënë se :”Jemi goditur por nuk jemi thyer ,po qëndrojmë të fortë!”
Edhe kryetarja e këshillit të qarkut Lindita Rova ka falenderuar të gjithë qytetarët dhe jo vetëm të cilët kontribuan me ndihmat e tyre ,ndërsa ka thënë se :”Sot po nderojmë heronjtë e së shkuarës dhe ata të së tashmes !” Tërmeti i ditëve mëparë shkaktoi veç dëmeve të jashtëzakonshme ,edhe dhjetra viktima e qindra të plagosur .
