Gjirokastër/ Rikthehen shpendët e rrallë shtegtarë, ana pozitive e Covid-19, gjallërohet flora dhe fauna

Natyra po merr frymë lirisht , kjo është ana tjetër përveç trishtimit e zymtësisë që ka shkaktuar pandemia Covid-19 në gjithë botën përfshirë dhe vendin tonë. Kjo vihet re tek gjallërimi i botës shtazore dhe asaj bimore gjatë kësaj periudhe . Kjo dukuri po vihet re dhe në Gjirokastër ku shpendët si lejlekët apo kali i qyqes janë rikthyer në habitatin e tyre .
Lejlekët e bardhë të rrallë për sa i përket llojit janë rikthyer sërish në folezën e tyre në afërsi të pikës së Viroit . Lugina e Drinos është një atraksion i veçantë që është “përzgjedhur” nga shpendët shtegtarë çdo pranverë për të krijuar folezimet e tyre dhe shumimin gjatë kësaj periudhe . Jo vetëm lejlekët por edhe Kali i Qyqes një lloj i veçantë është rikthyer tashmë dhe po mbahet në monitorim nga ana e grupeve të AZM Gjirokastër duke i mundësuar edhe ushqimin.Kufizimet si pasojë e Covid-19 sjell shpresë për ambjentalistët se ky sezon do të jetë i mbarë për florën dhe faunën në vendin tonë.

SHPËRNDAJE

Shkruaj nje koment