Golemi reagon për Covidin: Mediat u nxituan pres përgjigje…

Kryebashkiaku i Gjirokastrës Flamur Golemi ka reaguar nëpërmjet një statusi në FB për sa i përket infektimit të tij me Covid-19. Duke shpjeguar gjendjen shëndetësore Golemi i ka cilësuar të nxituara mediat që publikuan lajmin pasi ai ende nuk ka marrë përgjigjen e tamponit .

Statusi si mëposhtë:

“Miq,
pas disa simptomave të lehta që më janë shfaqur një ditë më parë, të ngjashme me Covid 19, vendosa të izolohem në banesë, për të mos rrezikuar kolegët në punë dhe persona të tjerë me të cilët do të kisha kontakt. Kam kryer tamponin dhe po pres zyrtarisht nga ISHP-ja përgjigjen . Ndërkohë do të vazhdoj të ndjek punët dhe detyrat në distancë nga shtëpia. Jam në gjendje të mirë shëndetësore dhe po pres rikuperimin e plotë për t’iu rikthyer sërish angazhimeve si më parë. Ju falënderoj për qindra mesazhe e telefonata që kam marrë fill pas publikimit të nxituar të lajmit në disa media. Duke u kujdesur për veten dhe familjen tuaj do ta mbani larg Covid 19 dhe së bashku do ta fitojmë luftën me armikun e padukshëm.
Ju përshëndes!”

SHPËRNDAJE

Shkruaj nje koment