Kryetari i Bashkisë Selenicë Pëllumb Binaj është goditur nga një 57-vjeçar pas një debati për linjën e furgonave Vlorë- Sevaster.
Sipas burimeve, 57-vjeçari Pellat Bonaj ka marrë lejen nga Bashkia e Selenicës për ushtrimin e aktivitetit të linjës së transportit.
Por bashkia ia ka dhënë një subjekti tjetër dhe jo Bonajt.
Pas kësaj, dy personat, kryebashkiaku 66-vjeçar dhe biznesmeni janë takuar në Vlorë për të sqaruar ngjarjen, teksa Bonaj ka kërkuar llogari për dhënien e lejes.
Më pas ai është irrituar dhe e ka goditur në debat e sipër.
“ Specialistët për Hetmin e Krimeve në Stacionin e Policisë Selenicë arrestuan në flagrancë shtetasin P. B., 57 vjeç, banues në lagjen “Lirim”, Vlorë, pasi mbrëmjen e djeshme, dyshohet se ka goditur për shkak të detyrës shtetasin P. B., 66 vjeç, me detyrë Kryetar në Bashkinë Selenicë. Materialet i kaluan Prokurorisë, për veprime të mëtejshme”, thotë policia.
