Ndryshimi vjetor i matur nga Indeksi i Harmonizuar i Çmimeve të Konsumit në muajin dhjetor është 3,8 %. Rritjen më të madhe të çmimeve e kanë regjistruar “Ushqimet dhe pijet joalkoolike” me 6,8 %.
Kështu raporton INSTAT, ndërsa bën me dije se “Transporti” renditet i dyti në listë për rritjen e kostove me 4.9%.
Pas grupit të ushqimeve dhe transportit renditet: “Argëtim dhe kulturë”, “Komunikimi”, “Hotele, kafene dhe restorante”, “Qira, ujë, lëndë djegëse dhe energji”, “Pije alkoolike dhe duhan”, “Veshje”, “Shëndeti”, “Mobilim, pajisje shtëpie dhe mirëmbajtje” dhe “Shërbimi arsimor”.
