Dy pemë të mëdha janë rrëzuar paraditen e sotme në Ujin e ftohtë Tepelenë duke bllokuar qarkullimin e automjeteve.
Për rreth 30 minuta automjetet në të dyja kahet e rrugës kanë krijuar rradhë të gjata për shkak të bllokimit të rrugës dhe pamundësisë për të qarkulluar.
Shkak i rrëzimit të pemëve duket se ka qenë erozioni dhe era që ka sjellë shembjen e tyre duke shmangur kështu një tragjedi të mundshme.
Pemët janë rrëzuar vetëm 150 m larg pikës turistike të Ujit të Ftohtë Tepelenë.
Punonjës të bashkisë Tepelenë kanë prerë trungjet e pemëve të mëdha duke mundësuar kështu qarkullimin e lirshëm të automjeteve.