Luftëtari provon dhe humbet keq edhe me Teutën

0
165

Teuta ka shpërthyer në Gjirokastër ndaj Luftëtarit të rënë nga kategoria, duke shënuar pesë gola . Në fushë nuk ka qenë asgjë e thjeshtë për durrsakët, pasi në pjesën e parë shpërdoruan dhe gjithçka u mbyll pa gola .
Megjithatë , në 45 minutat e dyta durrsakët e morën seriozisht dhe arritën të kalonin në avantazh me Hebajn . Por , pak minuta më pas u befasuan pas një goli të bukur të Rimal Haxhiut , që barazoi përkohësisht rezultatin.
Por , më pas erdhi momenti i Sherif Kallakut , që fillimisht finalizoi një aksion fantastik , e më pas ktheu në gol një penallti . Për golin e katërt mendoi Florent Avdyli nga goditja e dënimit. Ndërsa ai që vulosi gjithçka ishte Kallaku afër fundit , me golin e tij të tretë personal dhe të pestin për Teutën .
Luftëtari vazhdon të bëhet tabelë qitjeje në kampionat , duke pësuar vetëm në tri javët e fundit 18 gola. Teuta vazhdon tashmë e qetë rrugën për të kapur Europën përmes kampionatit .
LUFTËTARI – TEUTA 1- 5
Haxhiu 57′ / Hebaj 51′ , Kallaku 60′ , 73′ ( p) , 88′ Avdyli 80 ′

LEAVE A REPLY

Please enter your comment!
Please enter your name here