Presidenti Ilir Meta dekreton ligjin për amnistinë, që i jep lirinë 175 të burgosurve. Ministria e Drejtësisë këtë vit ka pasur prioritet gratë, të cilat do të përfitojnë nga masat lehtësuese.
Nga 56 gra të dënuara me burg, 28 prej tyre kanë fituar lirimin e menjëhershëm nga këto institucione, ndërsa për disa të tjera do të ketë ulje të dënimit me 1/3-tën. Një tjetër kategori përfituese janë dhe burrat mbi 60 vjeç, që nuk janë dënuar për vepra penale që ndalohen për të përfituar nga amnistia. Së bashku me amnistinë, Meta dekretoi edhe 5 ligje të tjera të Qeverise Rama.
