Naftëtarët e Ballshit nuk kanë gjetur zgjidhje, kësisoj u janë rikthyer protestave para Rafinerisë së Naftës.
Pas protestës së zhvilluar disa ditë më parë në Tiranë, para ministrisë së Energjisë dhe Infrastrukturës, naftëtarët janë ngritur sërish sot në protesta në Ballsh, para Rafinerisë.
“S’kemi gjetur zgjidhje, jemi në mes të 4 rrugëve. Duam pagat”, ka thënë një nga protestuesit.
Naftëtarët kërkojnë të marrin rreth 20 paga që nuk u janë dhënë.