Policia rrugore dhe Ministria e Brendshme brenda kësaj jave pritet të dorëzojnë në Kuvend propozimet për ndryshimet në Kodin Rrugor. Pas përfundimit të afatit për konsultimin me ekspertët, pritet të rriten gjobat për përdorimin e celularit në makinë, për këmbësorët që nuk lëvizin në viza të bardha dhe dyfishim të gjobave për shoferët e rinj .
Ministria e Brendshme ka lënë afat fundin e muajit shkurt për konsultimin e ndryshimeve në Kodin Rrugor, dhe tashmë policia rrugore është duke u hartuar drafti i ri.
Ndërhyrjet në kodin rrugor konsistojnë në rritjen e gjobave për përdorimin e celularit, për shoferët e rinj, dhe për këmbësorët që nuk respektojnë kalimin në vijat e bardha.
Kryesisht në këto drejtues automjetesh që kanë një vjetërsi rreth 3 vjet do të ketë masa administrative dysish se sa drejtuesit e tjerë që kanë më shumë se 3 vjet në drejtimin e automjeteve.
Gjoba për përdorimin e celularit nga 1500 lekë që është aktualisht maksimumi pritet të bëhet deri në 30 mijë lekë.
Për këmbësorët që nuk respektojnë vizat e bardha gjoba pritet të shkojë nga 2 mijë lekë që është maksimumi aktualisht deri në 4 mijë lekë.
Një tjetër propozim është kryer nga ministria dhe ekspertët rrugor për lëvizjen me motoçikletë, ku drejtuesi dhe shoferët duhet të pajisen me jelek fosforeshentë apo për shoferët e rinj, që kanë marrë patentën 3 vitet e fundit.
Në draftin e ri që do të bëhet për sa i përket drejtuesve të automjeteve që përdorin motoçikleta, mendohet se drejtuesi sëbashku me pasagjerin që ka prapa të veshin një jelek fosforeshent.
Ndërhyrjet në kodin rrugor
Për përdorimin e celularit:
– Është nga 500 deri në 1500 lekë
Bëhet nga 20,000 deri 30.000 mijë lekë
– Dyfishohet gjoba për shoferët e rinj
Gjoba për këmbësorët
Është nga 500 deri në 2 mijë lekë
Bëhet nga 1 mijë deri në 4 mijë lekë.
