Pa bombat, Koreja e Veriut është si Shqipëria, askush nuk do ta merrte seriozisht

“Pa bombat, Koreja e Veriut është si Shqipëria. Askush nuk do ta merrte seriozisht”. Kanë qenë këto fjalët e Ralph Cossa, president i Qendrës për Studime Strategjike dhe Ndërkombëtare të Forumit të Paqësorit. Ndonëse shprehja ka të bëjë me fuqinë e armëve kimike, ky lloj krahasimi nuk është aspak optimist as për vetë Shqipërinë.

“The Gazette” shkruan se Koreja e Veriut ka deri në 60 armë bërthamore, një arritje që përfshin tre breza të Kim-ve. Ata e kanë zgjedhur në mënyrë të përsëritur bombën si garanci më të mirë për mbijetesë, pavarësisht shumë dekadave të negociatave, sanksioneve ndërkombëtare dhe kërcënimeve të luftës.

Armët bërthamore gjithashtu janë bërë thelbësore për identitetin e regjimit dhe propagandën e saj. Statusi i Koresë së Veriut si një “shtet bërthamor” është ruajtur në kushtetutën e tij dhe Kim kohët e fundit ndërtoi monumente për të përkujtuar testet e vitit të kaluar të raketave balistike ndërkontinentale, të afta për të arritur në SHBA.

Kjo histori është arsyeja pse ekspertët e kontrollit të armëve kërkojnë kujdes kur Kim shpreh gatishmërinë për të diskutuar “denuklearizimin” gjatë një samiti me Trump në muajin maj ose qershor.

Dorëzimi nga armët bërthamore është më shumë se vetëm një zgjedhje taktike: Kjo do të sinjalizonte një ndryshim thelbësor në atë se si një nga dinastitë më jetëgjata të botës e mban pushtetin.

SHPËRNDAJE

Shkruaj nje koment