Përfundon studimi për vijën hekurudhore Igumenicë – Janinë – Gjirokastër

Prefektura e Epirit ka bërë të ditur përfundimin e studimit me titull: “Linja hekurudhore Porti i Igumenicës – Igoumenitsa Industrial Park – Universiteti i Janinës – Janina Airport – Kakavije – Gjirokastra.”

Studimi është kryer si pjesë e programit strategjik Evropian Territorial për bashkëpunimin Greqi – Shqipëri. Studimi është kryer për një periudhë disamujore prej 15 prill 2016 në 14 shtator, 2016.

Qëllimi kryesor i studimit ishte hartimi i treguesve kryesorë kosto-përfitim për të bërë krahasime me projektet alternative të fizibilitetit dhe për të regjistruar të gjithë faktorët e gjykuar si të nevojshëm për organet vendimmarrëse

Ky studim pati tre fazë zhvillimi që përfshinë:

Faza A: Raporti ekzistues i situatës

Faza B.1: Hartimi Paraprak i Linjës Hekurudhore – Buxheti i Projektit

Faza B.2: Studimi i Qëndrueshmërisë

Shpenzimet e studimit arritën në 65.276,10 € (përfshirë TVSH-në), të përgatitur nga firma NAMA Consulting Engineers dhe Planners SA.

Zëvendësdrejtoresha e Zhvillimit Rajonal, Mjedisit dhe Infrastrukturës, Tatiana Kalogianni, tha:

“Raportet e fundit, në lidhje me ndërlidhjen e vendit tonë me Shqipërinë, tregojnë se kjo do të bëhet përmes Maqedonisë Perëndimore dhe ndoshta me tre alternativa:

  1. Florina-Kristallopigi (me lidhje me Aeroportin e Kosturit) -Pogradec-Tiranë
  2. Florina-Aeroporti Kastoria-Ieropigi-Pogradec-Tiranë
  3. Kozani-Siatista-Aeroporti Kastoria-Ieropigi-Pogradec-Tiranë.

Alternative e katërt, ndonëse e papërmendur është ajo e linjës hekurudhore Ioannina – Shqipëri (Qarku i Gjirokastrës) që është lehtësisht e realizueshme. Kjo është për shkak se pjesa shqiptare e linjës kalon në tokë fushore dhe kodrinore. Gjatësia e përgjithshme arrin në 73 km, ku parashikohen tunel 2 me gjatësi totale 10,3 m dhe 9 tunele të hapur gërmimi gjatësi totale 4,6 m , si dhe 26 ura të vogla dhe hekurudha (hapja 10.5 deri në 11.5 m).

Rëndësia e këtij projekti për zhvillimin e Rajonit të Epirit (i cili aktualisht është i izoluar nga hekurudhat) do të jetë vendimtar duke pasur parasysh se nga përvoja ndërkombëtare infrastruktura e transportit gjithmonë ka një ndikim më të fortë pozitiv mbi rritjen se format e tjera të investimit. Ai siguron rrjete substanciale të transportit për të lejuar bizneset të lulëzojnë.

Në përgjithësi përfitimet e transportit të ofruara nga hekurudhat nuk janë një qëllim në vetvete. Ata janë një katalizator që mund të zhbllokojë potencialin e brendshëm që do të ndihmojë rritjen ekonomike.

Duke ofruar kapacitete shtesë dhe lidhje të zgjeruara, infrastruktura e transportit u mundëson bizneseve të zhvillojnë, bashkëpunojnë dhe të kenë qasje në një gamë të gjerë klientësh, furnizuesish dhe punëtorësh të kualifikuar.

Znj Kalogianni thekson se: “Autoriteti Rajonal i Epirit me kalimin e kohës mbështet zbatimin e shpejtë të çdo projekti që përshpejton ndërlidhjen midis Greqisë dhe vendeve të Ballkanit Perëndimor, si me anë të Epirit, në lidhje me lëvizjen e njerëzve dhe mallrave . Kërkesa nga Rajoni i Epirit, lidhja hekurudhore me rrjetin ekzistues brenda vendit tonë, mbetet dinamik, por vendimet kyçe merren në nivel qeveritar “.

SHPËRNDAJE

Shkruaj nje koment