Shtatoret e figurave kombëtare, Gjergj Kastriot Skënderbeut dhe Adem Jasharit, të përuruara më 28 nëntor në Prizren, u kritikuan për mënyrën e punimit. Njëra e vendosur në hapësirë publike, e tjetra në pronë private, për shtatoret u diskutua për dy ditë me radhë për standardet artistike.
I ftuar në Vizion Plus, për të folur lidhur me këtë tematikë, poeti dhe kritiku i njohur i artit, Agim Doçi, është shprehur ashpër se autorët e dy shtatoreve duhet të futen në burg.
“Unë detyrohem me thanë që autorët duhet me i marrë urgjentisht me i fut në burg”, tha ai.
“Këto të dy janë skulptura, që edhe Skënderbeu edhe Adem Jashari vuajnë nga Covidi aktual. Me bo Skënderbeun si veremli, me mjeker-cjap në një kohë kur jugorët epiriotë, thonë e ka emrin Jorgo…”, shtoi Doçi.
