Të mërkurën i nxehti përvëlues përfshin territorin e vendit tonë. Meteorologët parashikojnë temperatura mbi 39-40 gradë Celsius të matura këto në hije.
Nisur nga kjo situate mjekët këshillojnë një kujdes të veçantë sidomos për të moshuarit dhe fëmijët për të shmangur daljet në mesditë dhe po kështu të bëjnë kujdes me kondicionerin, si dhe të rishikojnë tek mjeku dozat e medikamenteve, sidomos të sëmurët kronikë. Gjithashtu mjeket këshillojne sa më shumë ujë dhe lëngje nga fruta të freskëta për fëmijët e vegjël dhe të moshuarit. Por nga ana tjetër kujdes të veçantë duhet të bëjnë amvisat me ushqimet, pasi përveç higjenës duhet t’i gatuajnë mirë dhe të kujdesen që ato konsumohen brenda ditës të mos i ruajnë për të nesërmen për të shmanguar helmimet apo problemet gastrointerite.
‘Kulmi i të nxehtit fillon të mërkurën me mbi 39 gradë dhe vazhdon deri të premte’, thonë meteorologet, ndaj kujdes, mendohuni mire para se te dilni sot nga shtepia. Të dielën termometri prite të zbresë pak dhe java që vjen pritet pak më e freskët sipas meteorologëve. Në zona të izoluara nuk përjashtohen vranësirat apo reshje të dobëta shiu .Ndërkohë që temperaturat do të ringrihen sërish dhjetë ditëshin e fundit të muajit gusht, ku termometri pritet të shënojë maksimumi 39 gradë Celsius.
