Të izoluar në regjimin special 41-BIS, Emiljano Shullazi dhe Gilmando Dani kallëzojnë ish-kryeprokuroren Arta Markun dhe Donika Prelën
Emiljano Shullazi dhe Gilamdo Dani kallëzojnë penalisht ish-kryeprokuroren Arta Marku dhe ish-drejtuesen e Krimeve të Rënda Donika Prela. Dy të dënuarit e konsiderojnë të padrejtë kalimin e tyre në regjimin special 41-BIS.
Kundër qëndrimit në qelitë e 41-BIS janë dhe Endrit Qyqja, Endrit Zela si dhe Blerim Shullazi.
“Ne, kallëzuesit, Emiljano Shullazi dhe Gilmando Dani, jemi duke u gjykuar ne Gjykatën e Posaçme të Apelit për Korrupsionin dhe Krimin e Organizuar, Tiranë.
Me Urdherat respektive Nr. 253 dhe 255, date 28.07.2020, te Ministrit te Drejtesise, jemi vendosur ne regjimin e posaçëm te ushtrimit të të drejtave, në burgun e sigurise së lartë pranë Institucionit te Ekzekutimit te Vendimeve Penale “ Jordan Misja”, Tirane.
Urdhërat e Ministrit të Drejtesise, janë ankimuar ne Gjykatën e Posaçme Kundër Korrupsionit dhe Krimit të Organizuar, si të kundraligjshëm dhe abuzive.
Vendimmarrja e Ministrit të Drejtësise buron nga e drejta qe i jepet atij nga ligji nr.108/2018 “Për nje shtese ne Ligjin Nr.8328, date 16.041998 “Per te drejtat dhe trajtimin e te denuarve me burgim dhe te te paraburgosurve”, (me ligjin Nr.81/2020, ne daten 25.06.2020, Kuvendi i Shqiperise ka miratuar ligjin e ri “Per te drejtat dhe trajtimin e te denuarve me burgim dhe te te paraburgosurve”, duke shfuqizuar ligjin e vjeter Nr.8328, date 16.04.1998).
Sipas ligjit te kohes kur kane dale Urdherat e Ministrit te Drejtesise, por edhe sipas ligjit te ri, ky i fundit vepron mbi kerkesen e arsyetuar e cila duhet t’i paraqitet Ministrit nga Drejtuesi i Prokurorise se Posacme.
Prokuroria e Posacme per Korrupsionin dhe Krimin e Organizuar eshte krijuar ne daten 19 Dhjetor 2019, kur tetë prokurorë të emëruar në SPAK jane betuar para Presidentit të Republikës se Shqiperise.
Ne rastin e te dy Urdherave te Ministrit te Drejtesise, kerkesa dhe inicimi i procedures eshte bere nga Drejtuesja e Prokurorise prane Gjykates se Shkalles se Pare per Krimet e Renda, e kallzuara Donika Prela, e cila nuk e kishte kompetencen per te inicuar nje procedure te tille.
E kallzuara Donika Prela, e mbeshtet kerkesen e saj ne Udhezimin Nr.2, date 24.05.2019 te Prokurorit te Pergjithshem te Perkoheshem ne ate kohe, te kallzuares Arta Marku.
E kallzuara Arta Marku, ne kundershtim me permbushjen e rregullt te detyres nga ana e saj, ne shkelje te Kushtetutes se Republikes se Shqiperise, ka nxjerre Udhezimin Nr.02, date 24.05.2019 “ Per zbatimin e ligjit lidhur me Regjimin e Posacem ne Burgun e Sigurise se Larte”, thuhet në Kallëzimin e Shullazit dhe Danit.
