Të rinjtë e Forumit Rinor të PD në Gjirokastër, kanë “pagëzuar” kazanet e mbeturinave me emrat e qeveritarëve dhe deputetëve socialistë dhe të LSI. Gjirokastra është zgjuar sot me grafite të shënuara nëpër kontejnerët e mbeturinave urbane duke i’u vendosur atyre nga cdo emër qeveritari dhe deputeti socialist, të cilët votuan pro importit të plehrave gjatë seancës së fundit parlamentare, cka u kundërshtua fort nga opozita e cila nuk mori pjesë. Emrat e Edi Ramës, Taulant Ballës, Saimir Tahirit, apo dhe të deputetit të LSI Vangjel Tavo dhe kryetarit të LSI Ilir Meta etj, kanë qenë në fokusin e grafiteve nëpër kazanet e plehrave. Kjo vjen si një nismë e FRPD në të gjithë Shqipërinë me sloganin “një kazan, një deputet”.
Në një deklaratë Forumi Rinor i PD në Gjirokastër dhe kryetari i saj Artan Aliko, kanë speguar arsyet e këtij reagimi.
NE PROTESTOJMË
Sot, Gjirokastra u zgjua me koshat e plehrave te personalizuara me emrat e deputeteve te majte qe votuan ligjin e plehrave. Kjo eshte pergjigjia qe moren keta deputete nga rinia demokrate e Gjirokastres qe ju bashkua rinise se Shkodres, Tiranes, Sarandes etj. Ta gezojne Niko Peleshi me te tjere mikpritjen e sotme qe i beri rinia e Gjirokastres. Edi Rama, Saje Qorri dhe oligarkia e tyre meriton te shkruhen vetem ne plehra, sepse plehra sollen, mjerim mbollen, varferi perhapen e emigracion shkaktuan perseri.
Te rinjte demokrate te pandalshem dhe me te forte se kurre kundra kesaj qeverie qe po shkaterron Shqiperine.
RINIA DEMOKRATE NË KËMBË