Deputeti i PS për Qarkun e Gjirokastrës Flamur Golemi, shprehet se pushteti qendror do t’u qëndrojë pranë banorëve, ndërsa ushtria do të vijojë punën deri në largimin e plotë të dherave. Jemi pranë banorëve, puna e ushtrisë do të vijojë. E mirëkuptoj edhe humbjen e durimit nga banorët, është një fatkeqësi natyrore, por ka ndikuar edhe dora e njeriut.
Do të gjejmë edhe përgjegjësit për këtë që ka ndodhur. Do të vijojmë që të jemi pranë banorëve. E gjithë kjo zonë, ka nevojë për ndërhyrje të thellë, për të parë edhe shkaqet, pasi jemi përpara një fenomeni të përsëritur-deklaroi zoti Golemi në një lidhje direkte me Report TV me gazetarin Piro Nase.
Pallati 8-kate në Gjirokastër në lagjen “Kodra e Shtufit” u bllokua nga dherat dhe rrëshqitjet pas shirave të dendur dhe përmbytjeve në fundjavë.
