Këshilltarët socialistë nën panikun e minorancës në Këshillin Bashkiak, e kanë braktisur mbledhjen e kësaj të fundit sot.
Shkak është bërë refuzimi i tyre për të miratuar vendimet e dala nga Asambleja e Përgjithshme e Aksionerëve të shoqërisë Ujësjellës-Kanalizime Gjirokastër. Mbledhja ka filluar normalisht me prezencën e 2/3 të këshilltarëve të pranishëm dhe pasi janë miratuar tre projekt-vendimet e para, ka pasur debat mes këshilltarëve socialistë dhe atyre demokratë rreth cështjes së mësipërme. Socialistët kanë kërkuar miratimin me votë për diskutim në rendin e ditës së vendimeve të Asamblesë së Aksionerëve të Shoqërisë së Ujësjellës-Kanalizimeve në momentin kur dy këshilltarë të LSI Mirela Mamani e Dhimo Kristidhi, nuk kanë qenë prezent në atë moment në mbledhje.
Kjo i ka avantazhuar në vota pasi PD dhe LSI ishin minus dy këshilltarë.
Rrjedhimisht demokratët kanë dashur pushim 5 minutësh për të ploëtësuar kuorumin e votave mes PD-LSI, por për socialistët kjo ka qenë e patolerueshme cka dhe më pas ata braktisën mbledhjen në mënyrë demonstrative.
Kësisoj mbledhja e ardhshme do të ketë në epiqendër këtë pikë shumë të debatueshme.