Një masiv dheu ka bllokuar njërën korsi të rrugës nacionale Tepelenë-Gjirokastër, në afërsi të Ujit të Ftohtë.
Shkak për rrëshqitjen e masivit të dheut kanë qenë shirat e rënë ditëve të fundit, të cilët kanë bymuar dheun në atë zonë e për pasojë kanë shkaktuar edhe rrëshqitjen. Tashmë rrezikohet që të shembet e gjithë kodra.
Automjetet kalojnë vetëm me një korsi, ndërsa në vend kanë shkuar punonjës të mirëmbajtjes së rrugëve ku po inspektohet problematika e krijuar.
