Forcat e ushtrisë kanë mbërritur pasditen e sotme në “Kodrën e Shtufit” për të larguar baltën dhe dherat që kanë pushtuar tre katet e para të pallatit 8-kate. Forcat e Armatosura, kanë nisur aksionin me fadroma dhe mjete të tjera për të larguar të gjithë dherat, ndërkohë që banorët kërkojnë që të kthehen në shtëpitë e tyre.
Ata insistojnë që të futen forcërisht brenda në banesë, por kryebashkiakja ka urdhëruar që asnjë nuk duhet të futet deri në një vendim të dytë.
Prokuroria e Gjirokastrës ka filluar hetimet, ndërsa zona është e rrezikuar, pasi reshjet e shiut pritet që të rikthehen me intensitet dhe rreziku mund të rritet.
