Mbasditen e djeshme, aktivi i PD, ka shërbyer për prezantimin e kandidatëve të tjerë të PD për Qarkun e Gjirokastrës, duke plotësuar kështu jo vetëm numrin e pesë kandidatëve, por tejkaluar atë deri tek numri tetë.
Krahas kryesuesit të listës së kandidatëve Tritan Shehu dhe Roland Bejko të cilët ishin të pranishëm, kanë qenë edhe kandidatët e tjerë si Kosta Barka që renditet i treti, Qamil Xhelili që renditet i pesti i cili do të përfaqësojë Tepelenën, Mimoza Como ish prefekte e Qarkut të Gjirokastrës në vitet 2009-2013, Fatjona Dhimitri e cila do të përfaqësojë Përmetin dhe Arjan Kasaj i cili do të përfaqësojë Këlcyrën.
Sipas kreut të PD Roland Bejko, të tetë kandidaturat në listën e PD, janë përfaqësuese me vlera intelektuale dhe kontribute në jetën sociale dhe politike të vendit.
Lista e plotë e kandidatëve të PD
1-Tritan Shehu
2-Roland Bejko
3-Kosta Barka
4-Besnik Aliaj
5-Qamil Xhelili
6-Mimoza Como
7-Fatjona Dhimitri
8-Arjan Kasaj