Këlcyra ka qenë stacioni i fundit për sot i demokratëve të Qarkut të Gjirokastrës, për të zgjedhur kreun e ri të kësaj dege.
Në garë kanë qenë tre kandidatë përkatësisht Arben Dosti, Griseld Selami dhe Luan Malko i cili është njëkohësisht kryetar në detyrë.
Delegatët me të drejtë vote, kanë ushtruar të drejtën e tyre për të zgjedhur njërin mes tre kandidatëve, për kryetar të PD për Këlcyrën.
Ata kanë votuar në fund në favor të kreut aktual që rikandidoi Luan Malko i cili mori 56 vota, ndërsa rivalët e tjerë Arben Dosti e Griseld Selami morën së bashku 7 vota.
Kryetari i rizgjedhur i PD Luan Malko, ka shprehur besimin e tij se Bashkia e Këlcyrës do t’i rikthehet PD pas 8 vitesh drejtimi nga socialistët.
Të pranishëm në këtë proces kanë qenë deputeti i PD për Qarkun e Gjirokastrës Tritan Shehu dhe i dërguari nga qendra Endrin Gjipali.
Nesër përfundon procesi i zgjedhjeve të kryetarëve të PD në Gjirokastër si qendër Qarku ku do të garohet mes Dasho Alikos dhe Gjergji Dudit.