Deputeti i PD Xhelal Mziu ka denoncuar nga foltorja e kuvendit se OSHEE bashkëpunon me kultivuesit e hashashit.
Përmes një fotoje, Mziu deklaroi se një kabinë elektrike në Dibër jo vetëm që është lënë pas dore sa i përket investimeve, por edhe është mbuluar edhe nga hashashi.
“Për qarkun e Dibrës që në 8 vite s’është bërë asnjë lloj investimi, vazhdojnë të jenë ato tela dhe transformatorë para viteve 90 , ja po ju tregoj fotot.
Kjo nuk është thjesht një kabinë elektrike, por te ky transformator hashashi ka mbuluar komplet atë.
Kjo tregon bashkëpunimin e OSHEE me kultivuesit e hashashit, besoj mjafton si replikë”, tha Mziu.