Kakavije, arrestohet 37 vjecari nga Vlora per pervetesim parash nga krimi

0
189

Kakavije

Kapet një shtetas i shpallur në kërkim për veprat penale “Përvetësimi i parave ose mallrave që rrjedhin nga vepra penale ose veprimtaria kriminale” dhe “Veprime që pengojnë zbulimin e të vërtetës”.

Shërbimet e Policisë Kufitare Kakavije, në vijim të punës për parandalimin, evidentimin dhe goditjen e paligjshmërisë, si dhe për kapjen e personave të shpallur në kërkim, në hyrje të Republikës së Shqipërisë, kanë kapur shtetasin G. M., 37 vjeç, banues në Vlorë.

Ky shtetas ishte shpallur në kërkim, pasi Gjykata e Rrethit Gjyqësor Vlorë i ka caktuar masën e sigurisë “Arrest në burg” për veprat penale “Përvetësim i parave ose mallrave që rrjedhin nga vepra penale ose veprimtaria kriminale” dhe “Veprime që pengojnë zbulimin e të vërtetës”.

Ky shtetas iu dorëzua shërbimeve të Drejtorisë Vendore të Policisë Vlorë, për veprime të mëtejshme.

LEAVE A REPLY

Please enter your comment!
Please enter your name here