Kush është marrë me shoqërinë civile, e pamundur të mos e njohë Genci Paskon – i cili është ndarë mbrëmë nga jeta si pasojë e prekjes nga Covid-19.
Prej disa javësh ai ishte infektuar me Covid-19 por gjendja e tij u përkeqësua dhe mushkëritë i ishin dëmtuar aq shumë sa nuk ka mundur t`ja dalë dot.
Genci ka dhënë një kontribut të vyer prej më shumë se 20 vitesh, nga fillesat e gjatë zhvillimeve të këtij sektori, ku shume procese të rëndësishme mbajnë emrin e tij. Diplomuar për Ekonomi, në Universitetin e Tiranës, disa studime pasuniversitare dhe PhD ne Turizëm, Pasko ka mbuluar detyra të rëndësishme, ku ndër to edhe Zv/ Ministër i Turizmit.
