KQZ i hoqi 78 kandidatë, PD: Vendim i paligjshëm, i diktuar nga interesat politike të PS

Partia Demokratike ka reaguar pasi KQZ i miratoi listën finale të kandidatëve për deputet për zgjedhjet e 25 prillit, duke i lënë jashtë 78 kandidatëtë që ishin tepërt nga 222 që kishte në total. 

Në një deklaratë për mediat, PD e konsideron një vendim të padrejtë dhe të paligjshëm dhe të diktuar nga interesat politike të maxhorancës.  PD thekson se kjo vendimarrje do t’a ankimojë në të gjitha shkallët ankimore.

DEKLARATË E PARTISË DEMOKRATIKE

Vendimi i sotëm i KQZ për mosregjistrimin e plotë të listave të koalicionit është një vendim i padrejtë dhe i paligjshëm, i diktuar nga interesat politike të maxhorancës.

Pasi ndryshoi rregullat e lojës në mënyrë të njëanshme, maxhoranca synon të imponojë rregulla të tjera, të cilat pamundësojnë përfaqësimin e plotë dhe të drejtë të të gjitha partive përbërëse të koalicionit tonë. Këto rregulla të njëanshme synojnë që të lënë të lënë të papërfaqësuara parti të cilat përfaqësojnë shtresa të ndryshme shoqërore dhe komunitete të caktuara, veçanërisht minoritetet.

Asnjë vendimarrje e tillë nuk ka për të penguar koalicionin tonë që të garojë me potencialin e tij të plotë, njerëzor dhe programor. Kjo vendimarrje, si të gjitha vendimarrjet e padrejta, do të ankimohet menjëherë nga ana jonë në të gjitha shkallët ankimore.

Asgjë nuk do të na ndalojë të sjellim ndryshimin në Shqipëri me njerëzit tanë të mrekullueshëm, që kanë nevojë dhe e duan kaq shumë ndryshimin! Ne do ta bëjmë të mundur këtë në datën 25 Prill me ndihmën e të gjithë shqiptarëve.

SHPËRNDAJE

Shkruaj nje koment