Basha-shqiptarëve: Mos e humbisni shansin, më 25 prill votoni ndryshimin

0
219

Kreu i Partisë Demokratike, Lulzim Basha iu ka dërguar një tjetër mesazh shqiptarëve.

Kryedemokrati i bën thirrje qytetarëve të mos heqin dorë nga Shqipëria dhe të mos dorëzohen, por të vendosin vetë për të ardhmen dhe në zgjedhjet e 25 prillit të votojnë ndryshimin.

 “E keqja më e madhe se zemërimi dhe dufi, ajo që mund të na vërë poshtë, është plogështia. Plogështia është shfaqja më e keqe e dëshpërimit. Është momenti kur njeriu nuk beson në asgjë, nuk i intereson më asgjë, dhe për pasojë nuk ndjen më asgjë. Mirëpo të heqësh dorë nga vendi yt, do të thotë të heqësh dorë nga e ardhmja jote. Do të thotë të mos përkujdesesh më për të ardhmen e fëmijëve të tu.

Çfarë do t’u thoni fëmijëve tuaj nesër kur Rama t’ju lërë përsëri në baltë, t’ju lërë përsëri në vendnumëro, ndërkohë që vendet e tjera bëjnë përpara dhe nuk na presin më? Që nuk kishit më shpresë për ndryshim? Që nuk donit të dëgjonit më për ekonominë, për arsimin? Apo që ndenje në shtëpi në vend që të ndaje 10 minuta nga dita jote për të votuar për shpresën dhe ndryshimin? 

Unë ju bëj thirrje sot: mos u dorëzoni. Mos humbni më kohë dhe mos e humbni këtë shans. Ju jeni zotërit e vërtetë të këtij vendi. Ju vetë do të vendosni të ardhmen tuaj. Ne e dimë kush jemi. Shqiptarë të fortë dhe krenarë, e kemi treguar veten gjithmonë në ditë të vështira dhe kemi fituar. Më 25 prill votoni për shpresën, votoni për ndryshimin”, shprehet Basha në video-mesazhin e publikuar.

LEAVE A REPLY

Please enter your comment!
Please enter your name here