Ministrat e G7 mbështesin hapjen e negociatave për Shqipërinë dhe MV; çfarë thonë për ndryshimin e kufijve në Ballkan

Ministrat e jashtëm të G7 mbështesin hapjen e negociatave për Shqipërinë dhe Maqedoninë e Veriut. Gajtë takimit të sotëm, ku kanë diskutuar për Ballkanin Perëndimor, ata kanë theksuar rëndësinë e avancimit të reformave veçanërisht ato në sundimin e ligjit, luftën kundër krimit të organizuar, financave të paligjshme dhe korrupsionit, me veprime të ashpra të ndërmarra kundër çështjeve më të rëndësishme.

“Ne riafirmojmë angazhimin tonë të përbashkët për sigurinë, rimëkëmbjen ekonomike dhe perspektivën evropiane të gjashtë vendeve të Ballkanit Perëndimor si një investim thelbësor për paqen dhe stabilitetin. Ne theksojmë rëndësinë e avancimit të reformave të nevojshme të brendshme, veçanërisht në sundimin e ligjit, duke përfshirë trajtimin e krimit të organizuar, financave të paligjshme dhe korrupsionit, me veprime të ashpra të ndërmarra kundër çështjeve më të rëndësishme.

Prandaj, ne mbështesim hapjen zyrtare të negociatave të pranimit në BE me Shqipërinë dhe Maqedoninë e Veriut. Ne mbështesim progresin e mëtejshëm në bashkëpunimin rajonal veçanërisht përmes Tregut të Përbashkët Rajonal, Agjendës së Gjelbër për Ballkanin Perëndimor dhe Procesit të Berlinit”, thuhet në deklaratën e ministrave.

Këta të fundit kanë folur për dialogun Kosovë-Serbi, ku kanë nxitur palët të gjejnë gjuhën e përbashkët. Për ta marrëveshja Kosovë-Serbi kontribuon në stabilitetin rajonal.

“Ne i nxisim Kosovës dhe Serbisë që të angazhohen në mënyrë konstruktive në negociata në kuadër të dialogut të lehtësuar nga BE dhe të normalizojnë plotësisht marrëdhëniet e tyre përmes një marrëveshje gjithëpërfshirëse dhe ligjërisht të detyrueshme që kontribuon në stabilitetin rajonal”, shtojnë ministrat e jashtëm të G7 .

Këta të fundit kanë mbështetur edhe zbatimin e agjendës së reformave në lidhje me negociatat e pranimit në BE edhe për Malin e Zi dhe Serbinë. Gjithashtu kanë bërë thirrje që vendet e rajonit të zgjerojnë hapësirën e brendshme politike dhe të përmirësojnë mjedisin për shoqërinë civile dhe mediat e pavarura.

Sa i përket zërave për ndryshimin e kufijëve, ata thotë: Spekulimet e pajustifikuara rreth ndryshimeve të kufijve përgjatë vijave etnike nuk janë zgjidhje për sfidat me të cilat përballet rajoni. Ndryshime të tilla do të përbëjnë një kërcënim për sigurinë rajonale. Ne e hedhim poshtë vendosmërisht çdo përpjekje për të minuar integritetin territorial të Bosnjë dhe Hercegovinës.

Ne i nxisim të gjitha palët në Bosnjë dhe Hercegovinë të bien dakord dhe të zbatojnë reforma elektorale dhe të kufizuara kushtetuese, për të zbatuar gjykimet e Gjykatës Evropiane të të Drejtave të Njeriut dhe për të punuar ngushtë me Zyrën e OSBE për Institucionet Demokratike dhe të Drejtat e Njeriut dhe Komisionin e Venecias për të lëvizur vendi më afër realizimit të aspiratave të tij demokratike. Ne e mirëpresim kandidaturën e Christian Schmidt si Përfaqësues i Lartë në Bosnjë dhe Hercegovinë.

SHPËRNDAJE

Shkruaj nje koment