Një ditë pas mbledhjes së Këshillit të Bashkimit për politikën e Jashtme të BE-së ka ardhur një reagim i veçantë nga kryeministri Edi Rama.
Përmes një postimi në Twitter, Rama ka sjellë në vëmendje kryeveprën botërore të Samuel Beckett, “Duke pritur Godonë”. Kreu i qeverisë shkruan se shpesh herë i kujtohet kjo vepër, kur ka deklarata nga BE për integrimin europian të Shqipërisë dhe të Maqedonisë së Veriut.
“Pse mendoj kaq shpesh në ditët e sotme për kryeveprën e Samuel Beckett ndërsa ndjek deklaratat për Shqipërinë dhe Maqedoninë e Veriut? Çdo ngjashmëri me ngjarje apo persona të vërtetë, të gjallë apo të vdekur, është sigurisht e rastësishme”, shkruan Rama.