Një ditë pas ultimatumit të Ramës, Veliu mbledh zv.drejtorët dhe shefat e komisariateve

Kreu i Policisë së Shtetit, Ardi Veliu, ka thirrur këtë të premte në një takim zëvendësdrejtorit e policive dhe shefat e komisariateve.

Mësohet se në këtë mbledhje, Veliu po i përsërit detyrat e lëna dje nga kreu i qeverisë, ndërsa se priten ndryshime në radhët e policisë.

Pas ndryshimeve të bëra tek drejtuesit e 10 qarqeve në vend, tani pritet që ndryshimet të prekin sipas hierarkisë dhe shefat e komisariateve dhe nëndrejtorët e policisë në rrethe.

Kjo mbledhje, vjen një ditë pasi kryeministri Rama e akuzoi Policinë e Shtetit në totalin e vet si të korruptuar, pa etikë para qytetarit dhe shumë herë të vënë në shërbim të bizneseve të paligjshme. Rama vendosi afatin 100 ditor për të bërë shembuj konkret.

Asnjë ditë më shumë, që qytetarët të marrin frymë shumë të lehtësuar, duke e parë Policinë e Shtetit në një nivel tjetër. 100 ditë. Ky është një objektiv i palëvizshëm në çdo qark

SHPËRNDAJE

Shkruaj nje koment