Ndihma për të shuar zjarret/ BE i dërgon Greqisë 9 aeroplanë zjarrfikës, 700 zjarrfikës dhe 100 automjete

Komisioneri për Menaxhimin e Krizave në BE, Janes Lenarcic shkroi në rrjetet sociale se Gjermania dhe Polonia kishin ofruar 360 zjarrfikës për të luftuar zjarret në Greqi.

Ai ka bërë me dije se ndihma totale e dhënë nga BE për Greqinë janë 9 aeroplanë zjarrfikës, 700 zjarrfikës dhe 100 automjete, shkruajnë mediat greke.

“Ndihma totale e BE -së për Greqinë arrin në 9 aeroplanë zjarrfikës, 700 zjarrfikës dhe 100 automjete,” tha Janes Lenarcic, duke vënë në dukje se shtatë vende të tjera të BE -së tashmë kanë dërguar ndihmë në Greqi: Qipro, Suedia, Franca, Rumania, Republika Çeke, Kroacia dhe Spanja.

Disa ditë më parë, Komisioni Evropian mobilizoi mekanizmin e mbrojtjes civile të BE -së për të ndihmuar Greqinë nga zjarret.

Qendra Koordinuese e Reagimit të Urgjencës të Bashkimit Evropian është në kontakt të vazhdueshëm me autoritetet e mbrojtjes civile të vendeve të prekura nga zjarret për të monitoruar nga afër situatën dhe për të kanalizuar asistencën e BE -së.

SHPËRNDAJE

Shkruaj nje koment