Një vatër zjarri u aktivizua pasditen e sotme në fshatin Vajkan të Fierit, teksa është bërë i mundur shuarja e tyre vetëm pas një ore.
Flakët u përhapën me shpejtësi për shkak të erës, ndërsa puna e zjarrfikësve u vështirësua nga terreni kondrinor.
Dyshohet se zjarri ka ardhur nga varrezat e fshatit pasi mund të ketë patur ndonjë përkujtimore.
Edhe pse flakët kanë mundur të shuhen nuk i shpëtuan djegies pemët dru frutore e disa rrënjë ullinj.
Gjithashtu nga flakët është përfshirë edhe një banesë e pabanuar dhe për shkak se ato u përhapën në të dyja anët e rrugës është stakuar edhe energjia elektrike.
