Mali i Zi rikthen masat anti Covid për Shqipërinë

Ministria për Evropën dhe Punët e Jashtme, të premten ka njoftuar se duke nisur nga data 14 shtator, do të hyjnë në fuqi masa të reja përsa i përket kalimit të qytetarëve të huaj që udhëtojnë drejt Malit të Zi.

Qytetarët e huaj duhet të paraqesin një vërtetim që kanë kaluar 14 ditë nga rivaksinimi, për vaksinat që jepen me dy doza, ose kanë kaluar 14 ditë nga vaksinimi për vaksinat që jepen me një dozë; një test PCR negativ Covid-19 jo më të vjetër se 72 orë, ose testin pozitiv PCR nga i cili kanë kaluar të paktën 14 ditë, por jo më shumë se 180 ditë; test negativ antigjen, jo më të vjetër se 48 orë.

Qytetarët e Malit të Zi dhe shtetasit e huaj me qëndrim të përkohshëm në Mal të Zi, të cilët nuk plotësojnë asnjë nga kushtet e e mësipërme, duhet të karantinohen. Izolimi mund të ndërpritet pas një testi PCR negativ, pas ditës së gjashtë nga kalimi i kufirit.

Personat nën moshën 18 vjeç (shtetas malazezë, apo të huaj) nuk i nënshtrohen këtyre rregullave. 

SHPËRNDAJE

Shkruaj nje koment