Aktori i madh “Nderi i Kombit” Robert Ndrenika, shënon sot 80-vjetorin e lindjes

0
72

“Artisti i Popullit” dhe “Nderi i Kombit, aktori Robert Ndrenika feston sot 80-vjetorin e lindjes.

Robert Ndrenika, artisti me një portret të dashur dhe zërin që di të futet në lëkurën e çdo personazhi, na ka sjellë rolet e shumta të interpretuara prej tij të cilat pasqyrojnë edhe botën e madhe shpirtërore që e karakterizon.

Robert Ndrenika lindi në Tiranë, në vitin 1942. Talenti i tij spikati që në vitet e para të jetës, kur ai kultivonte pasionin e tij për teatrin në Shtëpinë e Pionierit në Tiranë. Pas përfundimit të gjimnazit “Qemal Stafa”, në vitet ai 1960-1964 nis studimet për aktor në Shkollën e Lartë “Aleksandër Moisiu”.

Nga ky vit, deri më 1970, punoi si aktor në Teatrin “Skampa” të Elbasanit. Në vitet 1970-1974 punoi si aktor në Teatrin e Institutit të Lartë të Arteve (sot Akademia e Arteve), më pas në Teatrin Kombëtar, deri sa doli në pension. Presidenti i asaj kohe, Bamir Topi, i akordoi Ndrenikës titullin e lartë “Nder i Kombit” (në vitin 2012).

Për shumë vite punoi si aktor i lirë (pas pensionit). Midis të tjerash, ka interpretuar: “Besa” e Sami Frashërit, “Ura” e Minush Jeros, “Prefekti” i Besim Levonjës, “Familja e peshkatarit” e Sulejman Pitarkës, “Bashkë me agimin” e Kolë Jakovës, “Midis dy njerëzve” e Kiço Blushit, “Skënderbeu” i Lec Shllakut, “Gjenerali i ushtrisë së vdekur” dhe “Stinë e mërzitshme në Olimp” të Ismail Kadaresë, “Lumi i vdekur” i Jakov Xoxës, “Fytyra e dytë” dhe “Shkëlqimi dhe rënia e shokut Zylo” të Dritëro Agollit, “Shkallët” dhe “Shtëpia me dy porta” të Ruzhdi Pulahës, “Shumë zhurmë për asgjë”, “Nata e dymbëdhjetë” dhe “Zbutja e kryeneçes” të Shekspirit, “I sëmuri për mend” dhe “Kopraci” të Molierit, “Udha e largët” e Arbuzovit, “Luiza Miler” e Shilerit, “Prometeu” dhe “Njeriu që pa vdekjen me sy” të Viktor Eftimiut, “Dashuri e tillë” e Kohoutit, “Banja” e Majakovskit, “Arturo Ui” e Brehtit, “Vdekja e një komisioneri” e Millerit, “Vizita e damës plake” e Dyrrenmatit, “Magjia e madhe” dhe “Cilindri” të De Filipos, “Darka e të marrëve” e Veberit, “6 vjet shtatzënë” e Cikliropulosit, “Pulëbardha” e Anton Çehovit, “Histori zooparku” e Ollbit, etj.

Filmat :
Kronikë provinciale (2009)
Tifozët – (2004) komedi
Njerëz dhe fate – (2002)
Tirana, viti zero
Parullat – (2001), Lleshi
Bolero – (1997)
Nata e dymbëdhjetë
Edhe kështu edhe ashtu
Botë e padukshme
Përrallë nga e kaluara – (1987), Vangjeli
Vrasje në gjueti
Dhe vjen një ditë – (1986)
Gurët e shtëpisë sime – (1985)
Tre njerëz me guna – (1985)
Shi në plazh – (1984)
Shirat e vjeshtës – (1984)
Nxënësit e klasës sime – (1984)
Kohë e largët – (1983)
Besa e kuqe – (1982)
Era e ngrohtë e thellësive
Nëntori i dytë – (1982)
Prefekti, komedi, Qazim Mulleti

Vëllezër dhe shokë – (1982)
Një shoqe nga fshati – (1980)
Ditët që sollën pranverën – (1979)

Mësonjëtorja – (1979)
Në shtëpinë tonë – (1979)
Koncert në vitin 1936 (1978)
Shembja e idhujve – (1977)
Emblema e dikurshme – (1976)
Duke kërkuar 5-orëshin – (1974)
Rrugë të bardha – (1974)
Shtigje të luftës – (1974)
Kryengritje në pallat – (1972)
Odiseja e tifozave – (1972)
Kapedani – (1972),
I teti në bronc – (1970)
Horizonte të hapura – (1968),
Oshtimë në bregdet – (1966)

Prefekti, komedi, Qazim Mulleti

Shkruaj nje koment