PS ‘bllokon’ hetimin për inceneratorët, Tabaku: Doli mburojë e Lefter Kokës

0
43

Kryetarja e Komisionit Hetimor për Inceneratoret, Jorida Tabaku ka reaguar ashpër dhe ka hedhur akzua ndaj Partisë Socialite pasi përfaqësuesit mazhorancës nuk votuan për zgjatjen e punës së komisionit për hetimet ndaj aferës së inceneratorëve.

Në një prononcim për mediat nga ambientet e jashtme të Kuvendit, Tabaku tha se vota kundër tregon mbrojtjen politike që i jep kësaj afere.

Ajo shtoi se Partia Demokratike është vendosur që t’i shkojë deri në fund kësaj afere, e cila mbyllet me vendosjen përpara drejtësisë të kryeministrit Rama.

“Fatkeqësisht PS votoi kundër hetimit të Inceneratorëve, aferës që ka përpara drejtësisë një ministër që është Lefter Koka. Për 3 orë jam përpjekur që ti kërkojë kolegëve socialistë që të votojnë planin e veprimit. Nuk ka asnjë arsye sepse t’i fshihen hetimit Edi Rama, Ëngjëll Agaçi, Arben Ahmetaj dhe Qazim Sejdini.

Partia Demokratike prezantoi sot një plan veprimi me 20 dëshmitarë dhe të zbatohet rregullorja. Kemi kërkuar të vijnë informacione nga të gjitha institucionet shtetërore, të vijë informacion nga sektori bankar, nga kompania koncesionare dhe nga drejtoria e tatimeve për pagesat, të cilat nuk kanë ardhur. Ky komision ka një fitore të vogël që është vendosja përpara drejtësisë e Lefter Kokës. PS duhet të na lejonte që të vijonim hetimin për 3 muaj. Partia Socialiste doli mburojë e Edi Ramës dhe Lefter Kokës. Vota kundër tregon mbrojtjen politike që i jep kësaj afere dhe që janë të gjithë brenda.

PD është e vendosur që të vijojë denoncimin e kësaj afere dhe të çojë prova në SPAK, deri sa përpara drejtësisë të shkoj Edi Rama”, tha Tabaku.

Shkruaj nje koment