Rusia dërgon bombardues me aftësi bërthamore në Bjellorusi

Rusia dërgoi sot bombardues me aftësi bërthamore për të patrulluar mbi Bjellorusi, sipas ‘Radio Europa e Lirë’. Ky veprim vjen teksa tensionet dhe rreziku i pushtimit rus në Ukrainë vijon.

Bombarduesit që morën pjesë në patrullim në Bjellorusi, aleaten e Rusisë, kanë aftësi bërthamore me rreze të gjatë veprimi.

Ministria e Mbrojtjes së Rusisë tha se dy bombardues të tipit Tu-22M3 kryen stërvitje me forcat ajrore bjelloruse dhe me asetet e mbrojtjes ajrore gjatë një misioni katërorësh.

Ky nuk është patrullimi i parë i Rusisë në Bjellorusi. Moska ka grumbulluar mbi 100 trupa në kufi me Ukrainën. Perëndimi e ka kërcënuar me sanksione, ndërsa Rusia mohon se synon të pushtojë fqinjin e saj.

Moska ka kërkuar nga perëndimi garanci që Ukraina nuk do të anëtarësohet në NATO, por kjo nuk është pranuar nga Shtetet e Bashkuara.

SHPËRNDAJE

Shkruaj nje koment