Djegia e tragetit në Korfuz, 12 pasagjerë nga Bullgaria, Greqia, Turqia dhe Lituania ende të zhdukur

0
86

Dymbëdhjetë persona janë ende të zhdukur pasi një zjarr përfshiu një traget që lundronte nga Greqia në Itali mëngjesin e së premtes, shkruan media greke Kathimerini.

Gjithsej 241 pasagjerë dhe 51 anëtarë të ekuipazhit ishin në bordon e tragetit ‘Euroferry Olympia’ kur zjarri shpërtheu, dhe anijet e shpëtimit kanë zhvendosur tashmë shumicën e tyre në ishullin e Korfuzit.

Roja bregdetare greke tha se 280 persona u shpëtuan, por 12 persona ishin ende të zhdukur nga trageti 183 metra i cili mori flakë pranë ishullit të Korfuzit në rrugën nga Igumenica, një port në Greqinë Perëndimore, për në portin italian të Brindisit. , një udhëtim nëntë orësh.

Pasagjerët e zhdukur ishin nga Bullgaria, Greqia, Turqia dhe Lituania, tha roja bregdetare greke.

“Zjarri është ende aktiv dhe anijet zjarrfikëse janë përpjekur ta shuajnë atë”, tha ministri i Transportit, Giannis Plakiotakis për televizionin Skai të shtunën.

Të premten vonë, ekuipazhet greke shpëtuan dy persona, një shtetas bullgar dhe një afgan, të cilët nuk ishin në listën zyrtare të personave të zhdukur. Ata u dërguan në spitalin e Korfuzit, thuhet në njoftimin e kompanisë.

Ministria e Jashtme e Bullgarisë tha se 127 shtetas të saj ishin në bord. Shkaku i zjarrit është duke u hetuar dhe autoritetet do të kenë më shumë prova pasi anija të tërhiqet në një vend të sigurt, tha Plakiotakis. 

Shkruaj nje koment