Dita e tretë e pushtimit rus në Ukrainë,çfarë ka ndodhur gjatë natës

0
83

Lufta mbërriti në rrugët e kryeqytetit ukrainas Kiev të shtunën, ndërsa ushtria e vendit luftoi për të penguar avancimin e trupave ruse në shumë vende, duke i detyruar banorët të kërkonin strehim mes zhurmave të shpërthimeve dhe të shtënave.

Çfarë ka ndodhur gjatë natës:  

Goditet një ndërtesë banimi:

Një ndërtesë banimi u godit nga një raketë herët të shtunën. Ende nuk dihen shkaqet e goditjes dhe shkalla e viktimave.

Lufta në rrugë:

Të shtunën herët, Ministria e Brendshme e Ukrainës paralajmëroi në Facebook se “luftimet aktive po zhvillohen në rrugët e qytetit “. Ai u bëri thirrje banorëve të qëndrojnë të qetë, të fshihen në ambiente të mbyllura, të mbulohen – dhe të drejtohen menjëherë në strehën më të afërt nëse dëgjojnë sirenat e sulmit ajror.

Betejat gjatë natës

Shpërthime rreth kryeqytetit u panë dhe u dëgjuan nga ora 2 deri në 4 të mëngjesit, përpara se të shtënat e armëve të dëgjoheshin para agimit. Është hera e parë që raportohen shpërthime brenda qytetit, pas luftimesh të ashpra në periferi. Ushtria ukrainase ia atribuoi disa nga shpërthimet herët në mëngjes shkatërrimit të një tanku rus.

Banorët marrin armët

Ukrainasit janë përgatitur për të mbrojtur kryeqytetin e tyre ditët e fundit. Edhe anëtarët e parlamentit i thanë CNN se kanë marrë armët.

Presidenti sfidues

Presidenti ukrainas Volodymyr Zelensky u zotua të mbronte vendin e tij në një video të filmuar të premten në mbrëmje, ndërsa qëndronte në një rrugë të Kievit me drejtues të tjerë të administratës së tij. “Ne të gjithë jemi këtu për të mbrojtur pavarësinë tonë,” tha ai. “Lavdi Ukrainës!”

Kryetari i qytetit të Vasilkiv, rreth 35 kilometra (21.7 milje) në jug të Kievit, tha herët të shtunën se 

luftimet e ashpra në qytet kishin çuar në humbje nga pala ukrainase.

Ukrainasit ikin nga lufta

Shumë banorë të Kievit ishin larguar të premten. Më shumë se 50,000 refugjatë ukrainas janë larguar nga vendi në më pak se 48 orë, sipas Komisionerit të Lartë të Kombeve të Bashkuara për Refugjatët, i cili tha se shumica kanë shkuar në Poloni dhe Moldavi.

Shkruaj nje koment