Kryeqyteti i Ukrainës, Kievi, u përball gjatë natës që lamë pas me një agresion të furishëm të trupave ruse.
Një gjë e tillë u deklarua për CNN nga kryebashkiaku Vitali Klitschko, i cili nënvizoi se qyteti mund të rezistojë gjatë ndaj forcave të Moskës.
“Kemi dëgjuar shpërthime çdo orë gjatë natës që lamë pas. Banorët janë shumë nervozë, po kalojnë shumë kohë në bunker”, tha Klitschko.
Ndërkohë një bazë ushtarake ukrainase në periferi të Kievit u përfshi nga flakët, si pasojë e sulmit nga forcat ruse. Baza ndodhet në Brovary, 25 kilometër në verilindje të Kievit.
Sipas mediave lokale, ‘Kyiv Independent’, qyteti i Kherson, i cili ndodhet në jug të Ukrainës, është thuajse e rrethuar totalisht nga trupat ruse dje mjete të rënda të armikut, duke bllokuar çdo dalje.
Sot është dita e gjashtë e përplasjeve të armatosura në Ukrainë, pasi të enjten e kaluar Rusia nisi agresionin.
