Prokuroria e Posaçme ka firmosur disa udhër-arreste për persona të përfshirë në atë që është konsideruar afera e inceneratorëve. Ende nuk dihet numri i saktë i urdhër-arresteve, por policisa ka nisur arrestimet.
Nga informacionet paraprake që qarkullojnë në media bëhet fjalë për zyrtarë dhe biznesmenë, që kanë lidhje me inceneratorët e Elbasanit dhe të Fierit.
Një prej personave ndaj të cilëve është lëshuar urdhër-arresti është Florian Muça, drejtori i Albpetrolit. Ai ka qenë administrator i përgjithshëm i bashkisë Fier dhe anëtar i komisionit të prokurimit të inceneratorit të të njejtit qytet.
Ndërkohë një prej udhër-arresteve është prerë për Ariola Kodrën, administratore e inceneratorit të Tiranës si dhe për administratorin e inceneratorit të Fierit, Loran Dushën.
Nga informacionet e deritanishme, SPAK nuk ka kërkuar arretsimin e ndonjë deputeti apo ministri. Ndërkohë pritet një informacion zyrtar për këtë aksion.
