Kanë mjaftuar 12 orë që ekspertët e Grupit Hetimor, të argumentojnë me prova, se Leonard Matushaj të ketë shkaktuar vdekjen e Afrim Cullit 45 vjecarit i cili ndërroi jetë mbrëmjen e djeshme si pasojë e përplasjes me makinë. Ngjarja ka ndodhur pas orës 19:10 në aksin Gjirokastër-Tepelenë përpara Urës së Kardhiqit në vendin e quajtur “Mulliri i Babait”. Drejtuesi i mjetit Skoda Leonard Matushaj, ka përplasur për vdekje 45 vjecarin me të meta mendore, i cili ishte përbri aksit rrugor. Vepra penale që rëndon mbi Matushajn, është ajo e shkeljeve të rregullave të qarkullimit rrugor. Matushaj, punon si agjent shitjeje në një prej kompanive të njohura shqiptare.
